Ferramenta de autoavaliación en igualdade laboral nas empresas de Galicia

Esta ferramenta nace para dar resposta ao novo contexto normativo e a demanda por parte das empresas, axentes sociais e entidades públicas e privadas de contar cunha ferramenta que permita avanzar en igualdade nas organizacións, é dicir, trata de incorporar elementos que resposten á diversidade das empresas e a súa realidade, axudando a avanzar cara unha cultura das organizacións e unha sociedade máis igualitarias.

Ten como obxectivo dotar ás empresas de Galicia dun instrumento gratuíto, moderno e de calidade que lles permita avaliar de xeito periódico o seu nivel de madurez e impacto en relación coa igualdade de xénero. Do mesmo xeito, a ferramenta está pensada para coñecer a súa situación comparativa respecto doutras organizacións con diferentes niveis de madurez, recursos e actividade.

As conclusións e informe resultantes desta ferramenta servirán de base para unha necesaria reflexión interna en cada empresa. Unha reflexión que permita definir e implantar medidas e plans para a mellora da situación da empresa en materia de igualdade de xénero.

Instrucións

• Complete este formulario.
• Enviarémoslle un correo electrónico cun enlace de acceso exclusivo para a súa organización.
• Ao finalizar a enquisa de autodiagnóstico, recibirá un informe coa avaliación.

Por favor, proporcione respostas reais e fiables. As respostas que vostede dea non terán ningún tipo de efecto ou consecuencia nas decisións da Xunta de Galicia. A finalidade desta enquisa de autoavaliación é proporcionar recomendacións que sexan de utilidade para a súa entidade. A información servirá para complementar as políticas públicas de igualdade.

Preste atención

• Comprobe que os datos facilitados durante o proceso de rexistro son correctos, dado que, tras o seu envío á aplicación, non será posible modificalos.
• Comprobe especialmente que introduciu correctamente un enderezo válido de correo electrónico, dado que, tras o seu rexistro non será posible modificala.
• Se non recibe o correo electrónico tras o rexistro, é importante que confirme se a súa organización dispón de sistemas de filtraxe anti-spam de correo electrónico, e engada igualdade.emprego@xunta.gal aos seus contactos.
• Recorde que se engade máis participantes á enquisa, o informe final non será enviado ata que todos os participantes completen o cuestionario.